بڑھا جو ہاتھ تو دیوار بیچ میں آئی

بڑھا جو ہاتھ تو دیوار بیچ میں آئی

اٹھی نگاہ تو مینار بیچ میں آئی

سفر سبھی کا معین ہے ایک ہی در تک

تو کس سبب سے یہ رفتار بیچ میں آئی

حصار فرق کبھی کا سمٹ گیا ہوتا

کبھی انا کبھی دستار بیچ میں آئی

سمجھنا سوچنا سننا جہاں نہیں ممکن

کہاں سے عشق میں گفتار بیچ میں آئی

در بہشت رہا دو قدم کہ لوٹ آیا

وطن کی صورت لاچار بیچ میں آئی

barha jo hath to diwar bich mein ai

uthi nigah to minar bich mein ai

safar sabhi ka muin hai ek hi dar tak

to kis sabab se ye raftar bich mein ai

hisar-e-farq kabhi ka simat gaya hota

kabhi ana kabhi dastar bich mein ai

samajhna sochna sunna jahan nahin mumkin

kahan se ishq mein guftar bich mein ai

dar-e-bahisht raha do qadam ke laut aya

watan ki surat lachar bich mein ai