کریں کس لیے ہم کسی کا لحاظ

کریں کس لیے ہم کسی کا لحاظ

کسی کو نہیں جب ہمارا لحاظ

مساوات اس چیز کا نام ہے

کہ اٹھ جائے چھوٹے بڑے کا لحاظ

لحاظ اس کا کچھ تم کو بھی چاہئے

کیا ہم نے کتنا تمہارا لحاظ

کسی کی کوئی بات سنتا نہیں

کسی کو نہیں اب کسی کا لحاظ

کھری بات کہنے کے عادی ہیں ہم

نہ بے جا مروت نہ بے جا لحاظ

جو انساں زمانے کے کام آئے گا

اسی کا کرے گا زمانہ لحاظ

نہ رتبہ نہ عہدہ نہ زر ہے نہ زور

کرے کون سرشارؔ تیرا لحاظ

karen kis liye ham kisi ka lihaz

kisi ko nahin jab hamara lihaz

musawat is chiz ka nam hai

ke uth jae chhote bare ka lihaz

lihaz us ka kuchh tum ko bhi chahiye

kiya ham ne kitna tumhara lihaz

kisi ki koi bat sunta nahin

kisi ko nahin ab kisi ka lihaz

khari bat kahne ke adi hain ham

na be ja murawwat na be ja lihaz

jo insan zamane ke kam aega

usi ka karega zamana lihaz

na rutba na ohda na zar hai na zor

kare kaun sarshar tera lihaz