دل بنو دل کا مدعا بھی بنو

دل بنو دل کا مدعا بھی بنو

ساز بھی ساز کی صدا بھی بنو

تم نے ہی دل کو درد بخشا ہے

تم ہی اس درد کی دوا بھی بنو

جس محبت کی ابتدا ہو تم

اس محبت کی انتہا بھی بنو

تم خدا ہو مجھے نہیں انکار

لطف جب ہے کہ ناخدا بھی بنو

دوست بننا برا نہیں سرشارؔ

شرط یہ ہے کہ با وفا بھی بنو

dil bano dil ka muddaa bhi bano

saz bhi saz ki sada bhi bano

tum ne hi dil ko dard bakhsha hai

tum hi is dard ki dawa bhi bano

jis mohabbat ki ibtida ho tum

is mohabbat ki intiha bhi bano

tum khuda ho mujhe nahin inkar

lutf jab hai ke nakhuda bhi bano

dost banna bura nahin sarshar

shart ye hai ke ba wafa bhi bano