بہت خوش تھے ساحل قریب آ گیا

بہت خوش تھے ساحل قریب آ گیا

سفینہ کنارے سے ٹکرا گیا

ہے بے حد خطرناک بحر جہاں

جو انسان بھی اس میں ڈوبا گیا

ترے ڈر سے چھپ چھپ کے پیتے تھے ہم

گیا شیخ اب وہ زمانہ گیا

مجھے زندگی کی دعائیں نہ دو

میں ایسی دعاؤں سے اکتا گیا

نہ سمجھو کسی کی کسی بات کو

تمہیں کون یہ بات سمجھا گیا

وفائیں نہیں وہ جفائیں نہیں

نظام جہاں کچھ بدل سا گیا

یہ چھپ چھپ کے ملنا بھی ہے اک عذاب

کوئی آ گیا وہ کوئی آ گیا

یہاں تھے تو سرشارؔ کیا کچھ نہ تھے

گئے وہ تو خط بھی نہ بھیجا گیا

bahut khush the sahil qarib a gaya

safina kinare se takra gaya

hai be had khatarnak bahr jahan

jo insan bhi is mein duba gaya

tire dar se chhup chhup ke pite the ham

gaya shaikh ab wo zamana gaya

mujhe zindagi ki duaen na do

main aisi duaon se ukta gaya

na samjho kisi ki kisi bat ko

tumhen kaun ye bat samjha gaya

wafaen nahin wo jafaen nahin

nizam-e-jahan kuchh badal sa gaya

ye chhup chhup ke milna bhi hai ik azab

koi a gaya wo koi a gaya

yahan the to sarshar kya kuchh na the

gae wo to khat bhi na bheja gaya