خواہشیں آئیں اندھیروں کی سی فطرت اوڑھے

خواہشیں آئیں اندھیروں کی سی فطرت اوڑھے

پھر غم آیا چڑھتی راتوں کی سی خصلت اوڑھے

یار مانا تھا اسے ہم نے محبت کی تھی

وہ مگر آیا رقیبوں کی سی ظلمت اوڑھے

باغ یہ اہل چمن نے ہی اجاڑا آخر

اب مناظر ہے بیاباں کی سی وحشت اوڑھے

پر نکلتے ہی پرندہ گھونسلے کو بھولا

اڑ گیا دور وہ منزل کی سی چاہت اوڑھے

یاد میں رہ بھی گئی ہے تو وہ تنہا راتیں

عمر گزری ہے یہ مرگھٹ کی سی خلوت اوڑھے

تیرے در پہ ایک عرصے سے ارے او کانہا

روح برپا ہے یہ میرا کی سی حسرت اوڑھے

khwahishen aen andheron ki si fitrat orhe

phir gham aya charhti raton ki si khaslat orhe

yar mana tha use ham ne mohabbat ki thi

wo magar aya raqibon ki si zulmat orhe

bagh ye ahl-e-chaman ne hi ujara akhir

ab manazir hai bayaban ki si wahshat orhe

par nikalte hi parinda ghonsle ko bhula

ur gaya dur wo manzil ki si chahat orhe

yad mein rah bhi gai hai to wo tanha raten

umr guzri hai ye marghut ki si khalwat orhe

tere dar pe ek arse se are o kanha

ruh barpa hai ye mera ki si hasrat orhe