تیری رحمت نے کر دیا گستاخ

تیری رحمت نے کر دیا گستاخ

ورنہ پہلے تو میں نہ تھا گستاخ

آپ جو کچھ کہیں سر آنکھوں پر

اور میں نے جو کچھ کہا گستاخ

صاف گوئی سے کام لیتا ہوں

تم نے مجھ کو سمجھ لیا گستاخ

کاٹ دیتے وہ کیوں نہ ہاتھ مرا

ان کے دامن پہ بڑھ چلا گستاخ

کھل گئی آنکھ اب تو اے نرگس

اور ان سے نظر ملا گستاخ

منہ پہ کہتے اسے نہیں بنتا

ورنہ سرشارؔ ہے بڑا گستاخ

teri rahmat ne kar diya gustakh

warna pahle to main na tha gustakh

ap jo kuchh kahin sar ankhon par

aur main ne jo kuchh kaha gustakh

saf goi se kam leta hun

tum ne mujh ko samajh liya gustakh

kat dete wo kyun na hath mira

un ke daman pe barh chala gustakh

khul gai ankh ab to ai nargis

aur un se nazar mila gustakh

munh pe kahte use nahin banta

warna sarshar hai bara gustakh