سجدہ اور ان کے آستانے کا

سجدہ اور ان کے آستانے کا

حوصلہ دیکھیے زمانہ کا

آزمائیں گے دھار خنجر کی

یہ بہانہ ہے خوں بہانے کا

دل سادہ کی سادگی دیکھو

اعتبار اور پھر زمانہ کا

کس مزے سے قفس میں اہل قفس

ذکر سنتے ہیں آشیانے کا

ساتھ چلنا ہے جب زمانے کے

شکوہ کیوں کیجئے زمانے کا

وہ زمانہ ابھی نہیں آیا

خواب دیکھا تھا جس زمانے کا

تم خود اہل نظر ہو اے سرشارؔ

رنگ دیکھا کرو زمانے کا

sajda aur un ke astane ka

hausla dekhiye zamana ka

azmaenge dhar khanjar ki

ye bahana hai khun bahane ka

dil-e-sada ki sadgi dekho

etibar aur phir zamana ka

kis maze se qafas mein ahl-e-qafas

zikr sunte hain ashiyane ka

sath chalna hai jab zamane ke

shikwa kyun kijiye zamane ka

wo zamana abhi nahin aya

khwab dekha tha jis zamane ka

tum khud ahl-e-nazar ho ai sarshar

rang dekha karo zamane ka