زمانے سے بچھڑتے جا رہے ہیں

زمانے سے بچھڑتے جا رہے ہیں

ہم آپس میں جو لڑتے جا رہے ہیں

محبت کی بہاریں کھو گئی ہیں

چمن دل کے اجڑتے جا رہے ہیں

تکبر سے زمیں پر گر پڑیں گے

بلندی پر جو چڑھتے جا رہے ہیں

تعصب کی اگی ہے فصل جب سے

مسائل اور بڑھتے جا رہے ہیں

فسادوں کی ہوا تھمنے لگی ہے

کبوتر لے پکڑتے جا رہے ہیں

خزاں کا دور شاید آ گیا ہے

یہ برگ و گل جو جھڑتے جا رہے ہیں

پرانے پیڑ رہبرؔ آندھیوں میں

زمینوں سے اکھڑتے جا رہے ہیں

zamane se bichharte ja rahe hain

ham apas mein jo larte ja rahe hain

mohabbat ki baharen kho gai hain

chaman dil ke ujarte ja rahe hain

takabbur se zamin par gar parenge

bulandi par jo charhte ja rahe hain

taassub ki ugi hai fasl jab se

masail aur barhte ja rahe hain

fasadon ki hawa thamne lagi hai

kabutar le pakarte ja rahe hain

khizan ka daur shayad a gaya hai

ye barg-o-gul jo jharte ja rahe hain

purane per rahbar andhiyon mein

zaminon se ukharte ja rahe hain