کسی صورت بھی باطل کی طرف داری نہیں کرنا

کسی صورت بھی باطل کی طرف داری نہیں کرنا

منافق کی طرح ہرگز اداکاری نہیں کرنا

وطن کے جاں نثاروں نے دیا ہے درس یہ ہم کو

کبھی اپنے وطن کے ساتھ غداری نہیں کرنا

یہ اندھی شہرتیں اک دن تمہیں بے نام کر دیں گی

کبھی تم بھول کر دھوکہ ریا کاری نہیں کرنا

میاں وہ مال جس میں بیکسوں کی آہ شامل ہو

تم ایسی چیز سے ہرگز بھی افطاری نہیں کرنا

اگرچہ تم ہو رہبرؔ قوم کے تو دھیان یہ رکھنا

وفا داری پہ قائم رہنا عیاری نہیں کرنا

kisi surat bhi batil ki taraf dari nahin karna

munafiq ki tarah hargiz adakari nahin karna

watan ke jan nisaron ne diya hai dars ye ham ko

kabhi apne watan ke sath ghaddari nahin karna

ye andhi shohraten ik din tumhen be nam kar dengi

kabhi tum bhul kar dhoka riya kari nahin karna

miyan wo mal jis mein bekason ki ah shamil ho

tum aisi chiz se hargiz bhi iftari nahin karna

agarche tum ho rahbar qaum ke to dhyan ye rakhna

wafa dari pe qaim rahna ayyari nahin karna