فضاؤں سے گزرتا جا رہا ہوں

فضاؤں سے گزرتا جا رہا ہوں

خلاؤں میں بکھرتا جا رہا ہوں

میں ریگستان میں بیٹھا ہوں لیکن

سمندر میں اترتا جا رہا ہوں

زمانہ لمحہ لمحہ جی رہا ہے

میں لمحہ لمحہ مرتا جا رہا ہوں

وہ جتنے دور ہوتے جا رہے ہیں

میں اتنا ہی سنورتا جا رہا ہوں

چلا ہوں اپنے سے دو ہات کرنے

مگر خود سے بھی ڈرتا جا رہا ہوں

میں نقطہ بن کے اک مرکز پہ یارو

نہ جانے کیوں ٹھہرتا جا رہا ہوں

مٹانے پر بھی میں اردو کی مانند

سنورتا اور نکھرتا جا رہا ہوں

میں کالی جھیل میں ڈوبا تھا خود ہی

مگر خود ہی ابھرتا جا رہا ہوں

میں قیصرؔ اپنی آنکھوں سے ٹپک کر

کسی دل میں اترتا جا رہا ہوں

fazaon se guzarta ja raha hun

khalaon mein bikharta ja raha hun

main registan mein baitha hun lekin

samundar mein utarta ja raha hun

zamana lamha lamha ji raha hai

main lamha lamha marta ja raha hun

wo jitne dur hote ja rahe hain

main itna hi sanwarta ja raha hun

chala hun apne se do hat karne

magar khud se bhi darta ja raha hun

main nuqta ban ke ik markaz pe yaro

na jane kyun thaharta ja raha hun

mitane par bhi main urdu ki manind

sanwarta aur nikharta ja raha hun

main kali jhil mein duba tha khud hi

magar khud hi ubharta ja raha hun

main qaisar apni ankhon se tapak kar

kisi dil mein utarta ja raha hun