رشتہ کیسے ٹوٹتا ہے خواب سے تعبیر کا

رشتہ کیسے ٹوٹتا ہے خواب سے تعبیر کا

آؤ دکھلاؤں تمہیں یہ کھیل بھی تقدیر کا

اے مصور ہے یہی حاصل تری تحریر کا

حسن خود ہی پیرہن ہے حسن کی تصویر کا

بن گیا ہے استعارہ حسن عالم گیر کا

آئنہ در آئنہ چہرہ مری تحریر کا

جیسے جیسے قید کی میعاد گھٹتی جائے گی

تنگ ہوتا جائے گا حلقہ مری زنجیر کا

یہ کتاب دل ہے قرآن محبت ہے حضور

مرحلہ در پیش ہے اس حسن کی تفسیر کا

سچ اگر پوچھو تو میرے پیر و مرشد ہیں یہی

میں عقیدت مند ہوں قیصرؔ جناب میرؔ کا

rishta kaise tutta hai khwab se taabir ka

ao dikhlaun tumhen ye khel bhi taqdir ka

ai musawwir hai yahi hasil tiri tahrir ka

husn-e-khud hi pairahan hai husn ki taswir ka

ban gaya hai istiara husn-e-alam gir ka

aina dar aina chehra miri tahrir ka

jaise jaise qaid ki miad ghatti jaegi

tang hota jaega halqa miri zanjir ka

ye kitab-e-dil hai quran mohabbat hai huzur

marhala dar pesh hai us husn ki tafsir ka

sach agar puchho to mere pir-o-murshid hain yahi

main aqidat mand hun qaisar janab mir ka