کیا چیز ہے عذر لب اظہار کا سایہ

کیا چیز ہے عذر لب اظہار کا سایہ

اقرار کا سایہ کبھی انکار کا سایہ

تقدیر گلستاں کی بدل دیتا ہے وہ پھول

پڑ جاتا ہے جس پھول پہ تلوار کا سایہ

دیوار سے دیوار کی دوری ارے توبہ

پڑتا نہیں دیوار پہ دیوار کا سایہ

احساس کی انگلی سے ٹپکتے ہیں ستارے

چبھتا ہے مرے ذہن میں جب خار کا سایہ

قیصرؔ مرے جذبات میں نغموں کی لچک ہے

ہے فن پہ مرے گیسوئے خم دار کا سایہ

kya chiz hai uzr-e-lab izhar ka saya

iqrar ka saya kabhi inkar ka saya

taqdir gulistan ki badal deta hai wo phul

par jata hai jis phul pe talwar ka saya

diwar se diwar ki duri are tauba

parta nahin diwar pe diwar ka saya

ehsas ki ungli se tapakte hain sitare

chubhta hai mire zehn mein jab khar ka saya

qaisar mire jazbat mein naghmon ki lachak hai

hai fan pe mire gesu-e-kham dar ka saya