Arooz is now on the App Store, for iPhone and iPad. Download →

All poetry

جب بھی مجھ کو اپنا بچپن یاد آتا ہے

Qaisar Siddiqi (1937–2018)

جب بھی مجھ کو اپنا بچپن یاد آتا ہے

بچپن کے اک پیار کا بچپن یاد آتا ہے

دیکھ کے اس منہ زور جوانی کی منہ زوری

مجھ کو اس کا توتلا بچپن یاد آتا ہے

عورت ماں تھی بہن تھی دادی تھی نانی تھی

کورے کاغذ جیسا بچپن یاد آتا ہے

طوفانی بارش گھر میں سیلاب کا عالم

ٹھنڈا چولہا بھوکا بچپن یاد آتا ہے

تنہائی کا دکھ تو کم ہو کسی بہانے

دیکھیں کس کا کس کا بچپن یاد آتا ہے

شہد کے جیسی میٹھی بولی یاد آتی ہے

دودھ کے جیسا اجلا بچپن یاد آتا ہے

بچپن کے یاروں سے ملتا رہتا ہوں میں

قیصرؔ مجھ کو سب کا بچپن یاد آتا ہے