آؤ ہم تم عشق کے اظہار کی باتیں کریں

آؤ ہم تم عشق کے اظہار کی باتیں کریں

ڈال کر بانہوں میں باہیں پیار کی باتیں کریں

پھول کی باتیں کریں گلزار کی باتیں کریں

پیار کی باتیں کریں بس پیار کی باتیں کریں

بات ہم دونوں کو یہ تو سوچنی ہی چاہئے

پیار کے موسم میں کیوں تکرار کی باتیں کریں

اس سے اچھی بات کوئی اور ہو سکتی نہیں

یار کا افسانہ چھیڑیں یار کی باتیں کریں

کاش بچپن لوٹ آئے اور ہم سب بیٹھ کر

کچی مٹی کے در و دیوار کی باتیں کریں

شکریہ بازاریت کی روشنی کا شکریہ

گاؤں کی پگڈنڈیاں بازار کی باتیں کریں

کعبہ و کاشی کے قصے ہو چکے اب بس کرو

آؤ قیصرؔ نقش پائے یار کی باتیں کریں

ao ham tum ishq ke izhar ki baten karen

dal kar banhon mein bahen pyar ki baten karen

phul ki baten karen gulzar ki baten karen

pyar ki baten karen bas pyar ki baten karen

bat ham donon ko ye to sochni hi chahiye

pyar ke mausam mein kyun takrar ki baten karen

us se achchhi bat koi aur ho sakti nahin

yar ka afsana chheren yar ki baten karen

kash bachpan laut ae aur ham sab baith kar

kachchi mitti ke dar-o-diwar ki baten karen

shukriya bazaret ki raushni ka shukriya

gaon ki paggdandiyan bazar ki baten karen

kaaba-o-kashi ke qisse ho chuke ab bas karo

ao qaisar naqsh-e-pae yar ki baten karen