شام تک بند رہتا ہے کمرہ مرا

شام تک بند رہتا ہے کمرہ مرا

اور کمرے میں تنہا کھلونا مرا

دن کو اجلی ردا اوڑھ لیتا ہوں میں

دیکھنا رات کو پھر تماشا مرا

سچ کہا تھا سبھی مجھ سے ناراض ہیں

اب کسی سے نہیں رشتہ ناطہ مرا

اپنے شعروں پہ مجھ کو بڑا فخر ہے

جانے کیا گل کھلائے گا چرچا مرا

دو برس کا ہوں طفل کتابی غنیؔ

ہو گیا کتنا بھاری ہے بستہ مرا

sham tak band rahta hai kamra mira

aur kamre mein tanha khilauna mira

din ko ujli rida orh leta hun main

dekhna rat ko phir tamasha mira

sach kaha tha sabhi mujh se naraz hain

ab kisi se nahin rishta nata mira

apne sheron pe mujh ko bara fakhr hai

jane kya gul khilaega charcha mira

do baras ka hun tifl-e-kitabi ghani

ho gaya kitna bhari hai basta mira