باغی حدود سے بہت آگے نکل گئے

باغی حدود سے بہت آگے نکل گئے

سورج چھوا نہ تھا کہ مرے ہاتھ جل گئے

یہ حیرتوں کے بیچ میں حیرت زدہ نقوش

کیسے تماشبین تھے پتھر میں ڈھل گئے

جذبات میں کچھ اس طرح اس کا بدن تھا سرخ

زنجیر آہنی کے کڑے ہی پگھل گئے

بگلوں سے ان کے روپ بھگت بن کے آئے کچھ

مکھی کو یار چھوڑ کے ہاتھی نگل گئے

ٹیلے سے قہقہوں کی پھواروں میں تھے غنیؔ

تیر ایک آنکھ والے اچانک اچھل گئے

baghi hudud se bahut age nikal gae

suraj chhua na tha ke mire hath jal gae

ye hairaton ke bich mein hairat zada nuqush

kaise tamashbain the patthar mein dhal gae

jazbat mein kuchh is tarah us ka badan tha surkh

zanjir ahani ke kare hi pighal gae

bigulon se un ke rup bhagat ban ke ae kuchh

makkhi ko yar chhor ke hathi nigal gae

tele se qahqahon ki phuaron mein the ghani

tir ek ankh wale achanak uchhal gae