کسی سے اتنی محبت بھی یار ٹھیک نہیں

کسی سے اتنی محبت بھی یار ٹھیک نہیں

اس ایک شخص کا اتنا خمار ٹھیک نہیں

یہ تجربہ ہے میرا مشورہ بھی ہے تجھ کو

مرے عزیز دل بے قرار ٹھیک نہیں

یہ تیرے جسم کی مٹی بہا نہ ڈالے کہیں

ہمیشہ آنکھوں میں یہ آبشار ٹھیک نہیں

جہاں پہ دید کو بس تشنگی رہے باقی

دلوں کا ایسا کوئی کاروبار ٹھیک نہیں

میں کس طرح سے کہوں اس کو وہ مجھے چاہے

تعلقات میں یہ اختیار ٹھیک نہیں

وہ ہم نوا ہے مرا دوست ہے یہ مانا مگر

دماغ کہتا ہے یوں اعتبار ٹھیک نہیں

kisi se itni mohabbat bhi yar thik nahin

us ek shakhs ka itna khumar thik nahin

ye tajriba hai mera mashwara bhi hai tujh ko

mire aziz dil-e-be qarar thik nahin

ye tere jism ki mitti baha na dale kahin

hamesha ankhon mein ye abshar thik nahin

jahan pe did ko bas tishnagi rahe baqi

dilon ka aisa koi karobar thik nahin

main kis tarah se kahun us ko wo mujhe chahe

taalluqat mein ye ikhtiyar thik nahin

wo ham nawa hai mira dost hai ye mana magar

dimagh kahta hai yun etibar thik nahin