دے رہا تھا کہیں سدا کوئی
Yachana Phansal (b. 1985)دے رہا تھا کہیں سدا کوئی
دور تک پر نہیں دکھا کوئی
سوچ کیسے تری محبت میں
مار کے خود کو بھی جیا کوئی
عشق بھی اس طرح کیا تو نے
جیسے دفتر کا کام تھا کوئی
اس نے آواز دی نہیں آخر
میرے اندر ہی مر گیا کوئی
تھک گئی ہوں میں یاد کر کے اب
بھولنے کا ہنر سکھا کوئی
ساری دنیا میں حیرتیں بھر دے
پھر تماشہ نیا دکھا کوئی
مجھ میں روشن ہوا خدا جب سے
تب سے بجھتا چلا گیا کوئی
de raha tha kahin sada koi
dur tak par nahin dikha koi
soch kaise tiri mohabbat mein
mar ke khud ko bhi jiya koi
ishq bhi is tarah kiya tu ne
jaise daftar ka kam tha koi
us ne awaz di nahin akhir
mere andar hi mar gaya koi
thak gai hun main yad kar ke ab
bhulne ka hunar sikha koi
sari duniya mein hairaten bhar de
phir tamasha naya dikha koi
mujh mein raushan hua khuda jab se
tab se bujhta chala gaya koi