پھر وہی غم ہیں وہی طنز زمانہ والے

پھر وہی غم ہیں وہی طنز زمانہ والے

باز کب آتے ہیں یہ دل کو دکھانے والے

میں تیری یاد میں کب سے اداس بیٹھی ہوں

تو کہاں ہے مجھے ہر روز ہنسانے والے

چھوڑنے والے کو درکار ہے اک غلطی کی

اور نبھاتے ہیں سدا ساتھ نبھانے والے

عمر بھر چھاؤں میں اپنی جنہیں سینچا تو نے

ہیں وہی لوگ تجھے آگ لگانے والے

اک ملاقات میں ہی ہم کو سمجھ یہ آیا

لوگ چھوٹے ہیں بہت اونچے گھرانے والے

phir wahi gham hain wahi tanz zamana wale

baz kab ate hain ye dil ko dikhane wale

main teri yad mein kab se udas baithi hun

tu kahan hai mujhe har roz hansane wale

chhorne wale ko darkar hai ik ghalati ki

aur nibhate hain sada sath nibhane wale

umr bhar chhaon main apni jinhen sincha tu ne

hain wahi log tujhe ag lagane wale

ik mulaqat mein hi ham ko samajh ye aya

log chhote hain bahut unche gharane wale