الٹی تصویر پہن کر نکلے

الٹی تصویر پہن کر نکلے

اپنی تقدیر پہن کر نکلے

اس کو دیکھا تھا بہت آنکھوں نے

خواب تعبیر پہن کر نکلے

فصل گل آ گئی تو پاؤں میں

ہم بھی زنجیر پہن کر نکلے

شعر ہم نے بھی بہت لکھ ڈالے

کیسی تشہیر پہن کر نکلے

ہر طرف اپنی علم داری ہے

کیسے یہ تیر پہن کر نکلے

ساتھ دینے کو بہتر کا عمرؔ

ہم بھی شمشیر پہن کر نکلے

ulti taswir pahan kar nikle

apni taqdir pahan kar nikle

us ko dekha tha bahut ankhon ne

khwab taabir pahan kar nikle

fasl-e-gul a gai to paon mein

ham bhi zanjir pahan kar nikle

sher ham ne bhi bahut likh dale

kaisi tashhir pahan kar nikle

har taraf apni alam dari hai

kaise ye tir pahan kar nikle

sath dene ko behtar ka umr

ham bhi shamshir-e-pahan kar nikle