Arooz is now on the App Store, for iPhone and iPad. Download →

All poetry

میں اک ندا سے ہرا بھرا ہوں

Umar Farhat (b. 1986)

میں اک ندا سے ہرا بھرا ہوں

تری دعا سے ہرا بھرا ہوں

ترے لیے جو رہی ہے دل میں

اسی وفا سے ہرا بھرا ہوں

بس ایک آواز ہے ضروری

بس اک صدا سے ہرا بھرا ہوں

کمال دیدہ سے تربتر ہے

میں کس قضا سے ہرا بھرا ہوں

ہر آرزو کو ہوں زندہ رکھتا

کسی فنا سے ہرا بھرا ہوں

عمرؔ تصور میں شرک کب ہے

میں اک خدا سے ہرا بھرا ہوں