اک تماشا فقط دکھا رہا ہوں

اک تماشا فقط دکھا رہا ہوں

آ رہا ہوں کہیں نہ جا رہا ہوں

جیت سکتا تھا میں انا کی جنگ

ہار کا زہر خود ہی کھا رہا ہوں

مجھ کو دیکھو نہ یوں حقارت سے

میں بھی کچھ دیر نا خدا رہا ہوں

اپنے ان آنسوؤں کی شدت سے

ساری دنیا کو میں ہنسا رہا ہوں

درمیاں جو پڑا ہے پردہ اب

سامنے سے اسے ہٹا رہا ہوں

جس سے بنتی نہیں عمر فرحتؔ

اسے اپنا کہاں بنا رہا ہوں

ik tamasha faqat dikha raha hun

a raha hun kahin na ja raha hun

jit sakta tha main ana ki jang

har ka zahr khud hi kha raha hun

mujh ko dekho na yun hiqarat se

main bhi kuchh der na khuda raha hun

apne un ansuon ki shiddat se

sari duniya ko main hansa raha hun

darmiyan jo para hai parda ab

samne se use hata raha hun

jis se banti nahin umar farhat

use apna kahan bana raha hun