اس کے چہرے کو دیکھتا ہوں میں

اس کے چہرے کو دیکھتا ہوں میں

اور اک آہ کھینچتا ہوں میں

پڑھتا رہتا ہوں اپنے چہرے کو

کون ہوں کیا ہوں سوچتا ہوں میں

اپنے ماضی کی خستہ گلیوں میں

اس کی یادوں سے کھیلتا ہوں میں

کتنے پیڑوں نے مجھ کو پوچھا تھا

دھوپ سے روز پوچھتا ہوں میں

تیری تکمیل ہو گئی لیکن

اپنا ملبہ سمیٹتا ہوں میں

اے مرے ساحل گمان و یقیں

لے ترا ہاتھ چھوڑتا ہوں میں

us ke chehre ko dekhta hun main

aur ik ah khinchta hun main

parhta rahta hun apne chehre ko

kaun hun kya hun sochta hun main

apne mazi ki khasta galiyon mein

us ki yadon se khelta hun main

kitne peron ne mujh ko puchha tha

dhup se roz puchhta hun main

teri takmil ho gai lekin

apna malba sametta hun main

ai mire sahil-e-guman-o-yaqin

le tira hath chhorta hun main