رہ طلب میں ہمیں غم پہ غم نظر آئے

رہ طلب میں ہمیں غم پہ غم نظر آئے

بقدر ذوق مگر پھر بھی کم نظر آئے

وہیں وہیں مرا ذوق سجود مچلا ہے

جہاں جہاں ترے نقش قدم نظر آئے

مرے شعور کی آنکھوں میں آ گئے آنسو

مجھے اسیر الم جب صنم نظر آئے

تری تلاش میں یہ بھی مقام آیا ہے

جدھر نگاہ اٹھی صرف ہم نظر آئے

وہ جلوہ بار ہیں دل کے نگار خانے میں

جو میری چشم تماشا کو کم نظر آئے

rah-e-talab mein hamen gham pe gham nazar ae

baqadr-e-zauq magar phir bhi kam nazar ae

wahin wahin mira zauq-e-sujud machla hai

jahan jahan tire naqsh-e-qadam nazar ae

mire shuur ki ankhon mein a gae ansu

mujhe asir-e-alam jab sanam nazar ae

tiri talash mein ye bhi maqam aya hai

jidhar nigah uthi sirf ham nazar ae

wo jalwa bar hain dil ke nigar khane mein

jo meri chashm-e-tamasha ko kam nazar ae