میں اپنے آپ سے بے حد لڑا ہوں

میں اپنے آپ سے بے حد لڑا ہوں

تبھی قد سے زیادہ میں بڑا ہوں

یہاں رشتوں سے چیزیں بن رہی ہیں

درازوں میں کسی خط میں پڑا ہوں

یہ دنیا الٹی ہوتی جا رہی ہے

کہ میں اب اپنے پیروں پر کھڑا ہوں

یہ سارے لوگ جو مجھ سے بڑے ہیں

کبھی کہتے تھے میں ان سے بڑا ہوں

یہ خالی پن جسے گھر کہہ رہے ہو

کسی دیوار پر میں بھی جڑا ہوں

main apne ap se be had lara hun

tabhi qad se ziyada mein bara hun

yahan rishton se chizen ban rahi hain

darazon mein kisi khat mein para hun

ye duniya ulti hoti ja rahi hai

ke main ab apne pairon par khara hun

ye sare log jo mujh se bare hain

kabhi kahte the main un se bara hun

ye khali pan jise ghar kah rahe ho

kisi diwar par main bhi jura hun