ہے کوئی اور بھی جہان میں کیا

ہے کوئی اور بھی جہان میں کیا

میں نہیں ہوں ترے گمان میں کیا

تو نے فتراک ساتھ تو رکھا

تیر بھی ہے تری کمان میں کیا

ایک سایا تھا دل میں وہ بھی بجھا

رہ گیا ہے اب اس مکان میں کیا

زیر سایہ ہے اور سبھی دنیا

ہم نہیں ہیں تری امان میں کیا

کوئی بھی تجھ سے بات کرتا نہیں

زہر سا ہے تری زبان میں کیا

hai koi aur bhi jahan mein kya

main nahin hun tire guman mein kya

tu ne fitrak sath to rakha

tir bhi hai tiri kaman mein kya

ek saya tha dil mein wo bhi bujha

rah gaya hai ab is makan mein kya

zer-e-saya hai aur sabhi duniya

ham nahin hain tiri aman mein kya

koi bhi tujh se bat karta nahin

zahr sa hai tiri zaban mein kya