دل میں اک درد نہاں ہو تو غزل ہوتی ہے — Parkash Nath Parvez

Arooz is now on the App Store, for iPhone and iPad. Download →

Parkash Nath Parvez (b. 1930)

دل میں اک درد نہاں ہو تو غزل ہوتی ہے

سیل جذبات رواں ہو تو غزل ہوتی ہے

غم کا احساس جواں ہو تو غزل ہوتی ہے

عشق مائل بہ فغاں ہو تو غزل ہوتی ہے

ان پہ جب اپنا گماں ہو تو نکھرتا ہے شعور

خود پہ جب ان کا گماں ہو تو غزل ہوتی ہے

میرے دل میں جو نہاں ہے وہ غم بے پایاں

تیری آنکھوں سے عیاں ہو تو غزل ہوتی ہے

شب فرقت میں سلگتے ہوئے اشکوں کے طفیل

زندگی شعلہ بجاں ہو تو غزل ہوتی ہے