خوب تھیں میکدے کی فضائیں

خوب تھیں میکدے کی فضائیں

رہ گئیں چھٹ کے غم کی گھٹائیں

موت امداد کو آ چکی ہے

ان سے کہہ دو کہ وہ اب نہ آئیں

شعلۂ حسن سے کیا بچے گا

دامن دل کو ہم کیا بچائیں

حشر ڈھاتی ہے جنبش نظر کی

فتنہ گر ہیں کسی کی ادائیں

سوچتے ہیں کہ اس بے وفا کو

یاد رکھیں کہ ہم بھول جائیں

حادثات جہاں توبہ توبہ

اٹھ گئیں ہیں جہاں سے وفائیں

دل میں آباد ہے ایک دنیا

آپ محرومیوں پر نہ جائیں

گوشۂ دل سے پرویزؔ اب تک

آ رہی ہیں کسی کی صدائیں

khub thin maikade ki fazaen

rah gain chhut ke gham ki ghataen

maut imdad ko a chuki hai

un se kah do ke wo ab na aen

shola-e-husn se kya bachchega

daman-e-dil ko ham kya bachaen

hashr dhati hai jumbish-e-nazar ki

fitna gar hain kisi ki adaen

sochte hain ke us be wafa ko

yad rakhen ke ham bhul jaen

hadsat jahan tauba tauba

uth gain hain jahan se wafaen

dil mein abad hai ek duniya

ap mahrumiyon par na jaen

gosha-e-dil se parwez ab tak

a rahi hain kisi ki sadaen