مرے دماغ پہ آسیب کا اثر تو نہیں

مرے دماغ پہ آسیب کا اثر تو نہیں

گماں گزرتا ہے یہ دشت میرا گھر تو نہیں

پلٹنے والے پرندوں پہ بد حواسی ہے

میں اس زمیں کا کہیں آخری شجر تو نہیں

بلند ہوتے ہوئے دیکھ لے زمیں کی طرف

کہ تیرے پاؤں کے نیچے کسی کا سر تو نہیں

کسی کے حق میں میں جھوٹی گواہی کیوں دے دوں

کوئی بھی ہو میرے لفظوں سے معتبر تو نہیں

پہاڑ پیڑ ندی ساتھ دے رہے ہیں مرا

یہ تیری اور مرا آخری سفر تو نہیں

عجیب شور سا اٹھتا ہے میرے سینہ میں

میرے علاوہ کوئی اور نوحہ گر تو نہیں

mire dimagh pe aseb ka asar to nahin

guman guzarta hai ye dasht mera ghar to nahin

palatne wale parindon pe bad hawasi hai

main is zamin ka kahin akhiri shajar to nahin

buland hote hue dekh le zamin ki taraf

ke tere paon ke niche kisi ka sar to nahin

kisi ke haq mein main jhuti gawahi kyun de dun

koi bhi ho mere lafzon se motabar to nahin

pahar per nadi sath de rahe hain mira

ye teri aur mira akhiri safar to nahin

ajib shor sa uthta hai mere sina mein

mere alawa koi aur nauha gar to nahin