وہ ستم گر ہے خیالات سمجھنے والا

وہ ستم گر ہے خیالات سمجھنے والا

مجھ سے پہلے مرے جذبات سمجھنے والا

میں نے رکھا ہے ہمیشہ ہی تبسم لب پر

رو دیا کیوں مرے حالات سمجھنے والا

جو نہ سمجھے تیری منزل وہ یوں ہی چلتا رہا

رک گیا تیرے مقامات سمجھنے والا

جو نہ سمجھے وہ بناتے رہے لاکھوں باتیں

ہوا خاموش تری بات سمجھنے والا

راز تقدیر پے کیا روشنی ڈالے گا کوئی

خود سوالی ہے سوالات سمجھنے والا

wo sitam gar hai khayalat samajhne wala

mujh se pahle mire jazbat samajhne wala

main ne rakha hai hamesha hi tabassum lab par

ro diya kyun mire halat samajhne wala

jo na samjhe teri manzil wo yun hi chalta raha

ruk gaya tere maqamat samajhne wala

jo na samjhe wo banate rahe lakhon baten

hawa khamosh tiri bat samajhne wala

raz taqdir pe kya raushni dalega koi

khud sawali hai sawalat samajhne wala