تیرے خوابوں میں محبت کی دہائی دوں گا

تیرے خوابوں میں محبت کی دہائی دوں گا

جب کوئی اور نہ ہوگا تو دکھائی دوں گا

میری دنیا میں فقط ایک خدا کافی ہے

دوستو کتنے خداؤں کو خدائی دوں گا

دل کو میں قید قفس سے تو بچا لے آیا

کب اسے قید نشیمن سے رہائی دوں گا

کوئی انساں نظر آئے تو بلاؤ اس کو

اسے اس دور میں جینے پہ بدھائی دوں گا

دیکھ لوں اپنے گریباں ہی میں منہ ڈال کے میں

اپنے حالات کی کس کس کی برائی دوں گا

تم اگر چھوڑ گئے مجھ کو تو یوں تڑپوں گا

ساری دنیا کو غم و درد جدائی دوں گا

تیری ہی روح کا نغمہ ہوں اگر مٹ بھی گیا

میں تجھے دوسری دنیا سے سنائی دوں گا

tere khwabon mein mohabbat ki duhai dunga

jab koi aur na hoga to dikhai dunga

meri duniya mein faqat ek khuda kafi hai

dosto kitne khudaon ko khudai dunga

dil ko main qaid-e-qafas se to bacha le aya

kab use qaid nasheman se rihai dunga

koi insan nazar ae to bulao us ko

use is daur mein jine pe badhai dunga

dekh lun apne gareban hi mein munh dal ke main

apne halat ki kis kis ki burai dunga

tum agar chhor gae mujh ko to yun tarpunga

sari duniya ko gham-o-dard-e-judai dunga

teri hi ruh ka naghma hun agar mit bhi gaya

main tujhe dusri duniya se sunai dunga