آئے تھے پردیس میں دو چار برسوں کے لئے

آئے تھے پردیس میں دو چار برسوں کے لئے

رو رہے ہیں بیٹھ کر آئندہ نسلوں کے لئے

غیر ملکی ہیں یہاں پر ہم وطن میں اجنبی

بیچ دی پہچان اپنی ہم نے پیسوں کے لئے

کر دیا مزدوریوں نے بوڑھا ہم کو اس طرح

بن پروں کے جیسے پنچھی ہوں اڑانوں کے لئے

کچھ پہ کچرا گھر بنے ہیں کچھ پہ قبضہ ہو گیا

چھوڑ آئے تھے زمیں جو ہم مکانوں کے لئے

ہم غریبان وطن کی قتل گاہیں بن گئیں

بستیاں مشہور تھیں جو خوش جمالوں کے لئے

کرتے ہیں ہم ذکر رب کا ہونٹ اپنے بھینچ کر

کھولتے ہیں اب زباں دھیمی اذانوں کے لئے

ایک پرکھوں کا ظفرؔ ہے دوسرا بچوں کا ہے

دیس کوئی بھی نہیں ہے میرے جیسوں کے لئے

ae the pardes mein do char barson ke liye

ro rahe hain baith kar ainda naslon ke liye

ghair milki hain yahan par ham watan mein ajnabi

bech di pahchan apni ham ne paison ke liye

kar diya mazduriyon ne burha ham ko is tarah

ban paron ke jaise panchhi hun uranon ke liye

kuchh pe kachra ghar bane hain kuchh pe qabza ho gaya

chhor ae the zamin jo ham makanon ke liye

ham ghariban-e-watan ki qatl gahen ban gain

bastiyan mashhur thin jo khush jamalon ke liye

karte hain ham zikr rab ka hont apne bhinch kar

kholte hain ab zaban dhimi azanon ke liye

ek purkhon ka zafar hai dusra bachchon ka hai

des koi bhi nahin hai mere jaison ke liye