بغض و حسد کی آگ سے باہر نکال دے
Zafar Awan (b. 1982)بغض و حسد کی آگ سے باہر نکال دے
مجھ کو شعور و فکر کے رستے پہ ڈال دے
جن کے جواب میں مجھے تیرا سرا ملے
فکر رسا کو ایسے مسلسل سوال دے
تیرے علاوہ ہاتھ یہ پھیلے نہیں کہیں
اپنی جناب سے مجھے رزق حلال دے
آرام کرنا جرم ہو منزل کی کھوج میں
مجھ کو مرے مزاج میں اوج کمال دے
کرنا ہے روشنی سے منور جہان گر
ظلمت زدہ سحر کو اذان بلال دے
اتنا عروج بخش مرے حسن شعر کو
ہر ایک لکھنے والا ظفرؔ کی مثال دے
bughz-o-hasad ki ag se bahar nikal de
mujh ko shuur-o-fikr ke raste pe dal de
jin ke jawab mein mujhe tera sara mile
fikr-e-rasa ko aise musalsal sawal de
tere alawa hath ye phaile nahin kahin
apni janab se mujhe rizq-e-halal de
aram karna jurm ho manzil ki khoj mein
mujh ko mire mizaj mein auj-e-kamal de
karna hai raushni se munawwar jahan gar
zulmat zada sahar ko azan-e-bilal de
itna uruj-e-bakhsh mire husn-e-sher ko
har ek likhne wala zafar ki misal de