نیزے پہ سر چڑھے گا سید کو سب پتا تھا

نیزے پہ سر چڑھے گا سید کو سب پتا تھا

لیکن وہ سوئے مقتل بے خوف چل رہا تھا

بیٹے بھتیجے بھائی وارے نہیں جھکا وہ

باطل کو حق نہ مانا اتنا سا مدعا تھا

ماتم کناں تھا اس پل انسانیت پہ صحرا

بانہوں میں جب وہ لاش اصغر لئے کھڑا تھا

یعقوب کی طرح سے رویا نہ تھا ادھر وہ

نبیوں سے بڑھ کے میرے مرشد کا حوصلہ تھا

تاریخ پڑھ کے دیکھیں ملتا نہیں کوئی بھی

کرب و بلا میں جیسے غازی مرا لڑا تھا

اسلام زندہ ہے تو زندہ حسین بھی ہیں

کربل فقط یزیدی نخوت کا خاتمہ تھا

مرتا نہیں ظفرؔ جو حق سچ پہ سر کٹا دے

سوچوں کو جس نے بدلا ایسا وہ سانحہ تھا

neze pe sar charhega sayyad ko sab pata tha

lekin wo su-e-maqtal be khauf chal raha tha

bete bhatije bhai ware nahin jhuka wo

batil ko haq na mana itna sa muddaa tha

matam kunan tha is pal insaniyat pe sahra

banhon mein jab wo lash asghar liye khara tha

yaaqub ki tarah se roya na tha idhar wo

nabiyon se barh ke mere murshid ka hausla tha

tarikh parh ke dekhen milta nahin koi bhi

karb-o-bala mein jaise ghazi mira lara tha

islam zinda hai to zinda hasin bhi hain

karbal faqat yazidi nakhwat ka khatima tha

marta nahin zafar jo haq sach pe sar kata de

sochon ko jis ne badla aisa wo saneha tha