مرا کنبہ بلایا جا چکا تھا

مرا کنبہ بلایا جا چکا تھا

مرا ماتم منایا جا چکا تھا

کہا منصور کو تھا پیر میں نے

مجھے سولی چڑھایا جا چکا تھا

حوالے قبر کے کرنے سے پہلے

مرا پتلا جلایا جا چکا تھا

لگا کر ٹیگ ہم پر مسلکوں کا

ہمیں ہم سے لڑایا جا چکا تھا

ہماری بستیوں کو ڈوبنا تھا

سمندر کو ہلایا جا چکا تھا

نہیں میں ابن مریم جیسا لیکن

مجھے زندہ اٹھایا جا چکا تھا

ظفرؔ جس کو تھا میرے ساتھ مرنا

اسے امرت پلایا جا چکا تھا

mira kumba bulaya ja chuka tha

mira matam manaya ja chuka tha

kaha mansur ko tha pir main ne

mujhe suli charhaya ja chuka tha

hawale qabr ke karne se pahle

mira putla jalaya ja chuka tha

laga kar teg ham par maslakon ka

hamen ham se laraya ja chuka tha

hamari bastiyon ko dubna tha

samundar ko hilaya ja chuka tha

nahin main ibn-e-maryam jaisa lekin

mujhe zinda uthaya ja chuka tha

zafar jis ko tha mere sath marna

use amrit pilaya ja chuka tha