ہوتی ہیں جل سے جیسے ندیوں کی عزتیں

ہوتی ہیں جل سے جیسے ندیوں کی عزتیں

صدق مقال سے ہیں یاروں کی عزتیں

جن کو مرے نبی کی خلوت ہوئی عطا

افضل ہیں بستیوں سے غاروں کی عزتیں

سجدے میں سر کٹا کے کربل کی ریت پر

شبیر نے بڑھائیں سجدوں کی عزتیں

دیکھو ذرا تماشہ جھوٹوں کے جھنڈ میں

نیلام ہو رہی ہیں سچوں کی عزتیں

بیٹھے نہ ہوتے پھر سے عیار تخت پر

ہوتیں اگر وطن میں اچھوں کی عزتیں

اس شہر کے بڑوں پر کتوں کو چھوڑ دو

لٹتی ہوں جس نگر میں بچوں کی عزتیں

ہجرت کی راہ پر ہوں پلٹوں گا جیت کر

قائم رہیں ظفرؔ جو راہوں کی عزتیں

hoti hain jal se jaise nadiyon ki izzaten

sidq-e-maqal se hain yaron ki izzaten

jin ko mire nabi ki khalwat hui ata

afzal hain bastiyon se gharon ki izzaten

sajde mein sar kata ke karbal ki ret par

shabbir ne barhaen sajdon ki izzaten

dekho zara tamasha jhuton ke jhund mein

nilam ho rahi hain sachchon ki izzaten

baithe na hote phir se ayyar takht par

hotin agar watan mein achchhon ki izzaten

is shahr ke baron par kutton ko chhor do

lutti hun jis nagar mein bachchon ki izzaten

hijrat ki rah par hun paltunga jit kar

qaim rahen zafar jo rahon ki izzaten