لہو نے بھگوئے مہاجر پرندے

لہو نے بھگوئے مہاجر پرندے

قطاروں میں روئے مہاجر پرندے

زمیں ہو گئی تنگ تیری خدایا

ہواؤں میں سوئے مہاجر پرندے

شکاری پرندوں کو کاٹے ہے ایسے

کہ ہوں جیسے بوئے مہاجر پرندے

خدایا خبر خیر کی آئے جلدی

ابھی تک ہیں کھوئے مہاجر پرندے

بہت یاد کرتے ہیں اہل چمن کو

وطن سے پروئے مہاجر پرندے

جو غربت کی گولی سے مارے گئے تھے

وہ لالچ نے ڈھوئے مہاجر پرندے

جو تھے بن پروں کے ظفرؔ اڑ نہ پائے

سمندر ڈبوئے مہاجر پرندے

lahu ne bhigoe muhajir parinde

qataron mein ru-e-muhajir parinde

zamin ho gai tang teri khudaya

hawaon mein su-e-muhajir parinde

shikari parindon ko kate hai aise

ke hun jaise bu-e-muhajir parinde

khudaya khabar khair ki ae jaldi

abhi tak hain khoe muhajir parinde

bahut yad karte hain ahl-e-chaman ko

watan se piroe muhajir parinde

jo ghurbat ki goli se mare gae the

wo lalach ne dhoe muhajir parinde

jo the ban paron ke zafar ur na pae

samundar duboe muhajir parinde