اس غم کی دھوپ میں مجھے پروائیاں نہ دو

اس غم کی دھوپ میں مجھے پروائیاں نہ دو

جلنے دو اپنی زلف کی پرچھائیاں نہ دو

لرزاں ہیں دو جہاں قیامت بپا نہ ہو

اپنے شعور حسن کو انگڑائیاں نہ دو

آ جاؤ کب سے خلق ترستی ہے دید کو

پردے میں اپنے آپ کو تنہائیاں نہ دو

ہو جائے جس میں غرق مری کشتئ امید

وہ بحر اضطراب کی گہرائیاں نہ دو

ہوتی ہیں کارگر کہیں جھوٹی تسلیاں

اے چارہ سازو دل کو شکیبائیاں نہ دو

روز ازل سے ہے دل وحشی جنوں پسند

مجنوں کو ذوق انجمن آرائیاں نہ دو

آفتؔ اٹھا لوں ہاتھ نہ اس زیست سے کہیں

میرے جنون عشق کو رسوائیاں نہ دو

is gham ki dhup mein mujhe purwaiyan na do

jalne do apni zulf ki parchhaiyan na do

larzan hain do jahan qayamat bapa na ho

apne shuur-e-husn ko angraiyan na do

a jao kab se khalq tarasti hai did ko

parde main apne ap ko tanhaiyan na do

ho jae jis mein gharq miri kashti-e-umid

wo bahr iztirab ki gahraiyan na do

hoti hain kargar kahin jhuti tasalliyan

ai chara sazo dil ko shakebaiyan na do

roz-e-azal se hai dil-e-wahshi junun pasand

majnun ko zauq-e-anjuman araiyan na do

afat utha lun hath na is zist se kahin

mere junun-e-ishq ko ruswaiyan na do