Arooz is now on the App Store, for iPhone and iPad. Download →

All poetry

اس بت سے مل کر اس دل ناداں کو کیا ہوا

Lalan Chaudhary (b. 1923)

اس بت سے مل کر اس دل ناداں کو کیا ہوا

کیوں آہ و زاری ہے لب خنداں کو کیا ہوا

اب تک نہ آئی فصل بہاراں کو کیا ہوا

دونوں جہاں ہیں منتظر روز حشر پھر

اس شوخ چشم فتنۂ دوراں کو کیا ہوا

پھولوں میں کوئی بو ہے نہ کلیوں میں تازگی

اے عندلیب رنگ گلستاں کو کیا ہوا

دل میں وہی خلش ہے وہی اضطراب ہے

چارہ گروں کے دعوۂ درماں کو کیا ہوا

دل پوچھتا ہے آج بھی وہ رشک نو بہار

آیا نہ اس کے وعدہ و پیماں کو کیا ہوا

کرتے ہو آج کفر کی باتیں جگہ جگہ

آفتؔ تمہارے دین کو ایماں کو کیا ہوا