صہبائے نظر کے اس چھلکانے کو کیا کہئے

صہبائے نظر کے اس چھلکانے کو کیا کہئے

اس شوخ کی آنکھوں کے پیمانے کو کیا کہئے

یوں برق نے پھونکا ہے سب خاک ہوئے سپنے

برباد نشیمن کے افسانے کو کیا کہئے

دے کر غم دل اب وہ بیمار محبت کو

سمجھاتے ہیں ان کے اس سمجھانے کو کیا کہئے

یہ سوز محبت ہے جب شمع ہوئی روشن

جل جاتا ہے چپکے سے پروانے کو کیا کہئے

بیٹھا ہے ابھی آ کر اٹھ کر ابھی چل دے گا

ہاتھوں میں لئے پتھر پھرتے ہیں مرے پیچھے

اپنوں کی یہ حالت ہے بیگانے کو کیا کہئے

رونا مجھے آتا ہے حالت پہ تری آفتؔ

گھر کی جو یہ صورت ہے ویرانے کو کیا کہئے

sahba-e-nazar ke is chhalkane ko kya kahiye

us shokh ki ankhon ke paimane ko kya kahiye

yun barq ne phunka hai sab khak hue sapne

barbad nasheman ke afsane ko kya kahiye

de kar gham dil ab wo bimar-e-mohabbat ko

samjhate hain un ke is samjhane ko kya kahiye

ye soz-e-mohabbat hai jab shama hui raushan

jal jata hai chupke se parwane ko kya kahiye

baitha hai abhi a kar uth kar abhi chal dega

hathon mein liye patthar phirte hain mire pichhe

apnon ki ye halat hai begane ko kya kahiye

rona mujhe ata hai halat pe tiri afat

ghar ki jo ye surat hai wirane ko kya kahiye