نصیب اپنا ذرا آزما کے دیکھیں گے

نصیب اپنا ذرا آزما کے دیکھیں گے

چراغ شوق ہوا میں جلا کے دیکھیں گے

مچل مچل کے کہاں تک یہ برق گرتی ہے

چمن میں پھر سے نشیمن بنا کے دیکھیں گے

فلک کو ضد ہے کہ ہم کو رلا کے دیکھے گا

ہمیں یہ ضد ہے اسے مسکرا کے دیکھیں گے

جھکائے بیٹھے ہیں اب ان کے در پہ سر اپنا

کبھی تو وہ ہمیں آنکھیں اٹھا کے دیکھیں گے

ملے سکوں دل مضطر کو وہ جگہ ہے کہاں

جہان غم سے بھی ہم دور جا کے دیکھیں گے

وہ بچ کے جائیں گے کب تک نظر سے اے آفتؔ

ہم اپنے دل میں اب ان کو بسا کے دیکھیں گے

nasib apna zara azma ke dekhenge

charagh-e-shauq hawa mein jala ke dekhenge

machal machal ke kahan tak ye barq girti hai

chaman mein phir se nasheman bana ke dekhenge

falak ko zid hai ke ham ko rula ke dekhega

hamen ye zid hai use muskura ke dekhenge

jhukae baithe hain ab un ke dar pe sar apna

kabhi to wo hamen ankhen utha ke dekhenge

mile sukun dil-e-muztar ko wo jagah hai kahan

jahan-e-gham se bhi ham dur ja ke dekhenge

wo bach ke jaenge kab tak nazar se ai afat

ham apne dil mein ab un ko basa ke dekhenge