جو دیکھے تھے وہ سارے خواب رخصت ہو گئے ہیں

جو دیکھے تھے وہ سارے خواب رخصت ہو گئے ہیں

ہمارے سب ادب آداب رخصت ہو گئے ہیں

یہ دنیا جس گھرانے کے سبب تو نے بنائی

تری دنیا سے وہ بے آب رخصت ہو گئے ہیں

نگہباں تھے جو ساحل پر ہماری کشتیوں کے

وہ سب کے سب سر گرداب رخصت ہو گئے ہیں

پڑا ہے جب قبیلے پر ہمارے وقت کوئی

ہمارے معتبر احباب رخصت ہو گئے ہیں

طلوع صبح کی افواہ پر محفل سے اس کی

ہزاروں انجم و مہتاب رخصت ہو گئے ہیں

jo dekhe the wo sare khwab rukhsat ho gae hain

hamare sab adab adab-e-rukhsat ho gae hain

ye duniya jis gharane ke sabab tu ne banai

tiri duniya se wo be ab rukhsat ho gae hain

nigahban the jo sahil par hamari kashtiyon ke

wo sab ke sab sar-e-girdab rukhsat ho gae hain

para hai jab qabile par hamare waqt koi

hamare motabar ahbab rukhsat ho gae hain

tulu-e-subh ki afwah par mahfil se us ki

hazaron anjum-o-mahtab rukhsat ho gae hain