نیند آنکھوں میں جو آتی تو جگانے لگتے

نیند آنکھوں میں جو آتی تو جگانے لگتے

خواب بچوں کی طرح شور مچانے لگتے

رات کو گھر نہیں آتا تو مرے گھر والے

صبح کے وقت مری خیر منانے لگتے

تیرے آ جانے سے پھر آ گئی زخموں پہ بہار

تو نہیں آتا تو سب زخم پرانے لگتے

وہ ہمیں ڈھونڈھ کے اک رات میں گھر لے آیا

ہم اسے ڈھونڈنے جاتے تو زمانے لگتے

قیس جنگل کو اگر چھوڑ کے آ جاتا رئیسؔ

تو مرے شہر کے لڑکے بھی ستانے لگتے

nind ankhon mein jo ati to jagane lagte

khwab bachchon ki tarah shor machane lagte

rat ko ghar nahin ata to mire ghar wale

subh ke waqt miri khair manane lagte

tere a jane se phir a gai zakhmon pe bahar

to nahin ata to sab zakhm purane lagte

wo hamen dhundh ke ik rat mein ghar le aya

ham use dhundne jate to zamane lagte

qais jangal ko agar chhor ke a jata rais

tu mire shahr ke larke bhi satane lagte