بیتے ہوئے لمحوں کو سوچا تو بہت رویا

بیتے ہوئے لمحوں کو سوچا تو بہت رویا

جب میں تری بستی سے گزرا تو بہت رویا

پتھر جسے کہتے تھے سب لوگ زمانے میں

کل رات نہ جانے کیوں رویا تو بہت رویا

بچپن کا زمانہ بھی کیا خوب زمانہ تھا

مٹی کا کھلونا بھی کھویا تو بہت رویا

جو جنگ کے میداں کو اک کھیل سمجھتا تھا

ہارے ہوئے لشکر کو دیکھا تو بہت رویا

جو دیکھ کے ہنستا تھا ہم جیسے فقیروں کو

شہرت کی بلندی سے اترا تو بہت رویا

ٹھہرا تھا جہاں آ کر اک قافلہ پیاسوں کا

اس راہ سے جب گزرا دریا تو بہت رویا

bite hue lamhon ko socha to bahut roya

jab main tiri basti se guzra to bahut roya

patthar jise kahte the sab log zamane mein

kal rat na jane kyun roya to bahut roya

bachpan ka zamana bhi kiya khub zamana tha

mitti ka khilauna bhi khoya to bahut roya

jo jang ke maidan ko ik khel samajhta tha

hare hue lashkar ko dekha to bahut roya

jo dekh ke hansta tha ham jaise faqiron ko

shohrat ki bulandi se utra to bahut roya

thahra tha jahan a kar ik qafila pyason ka

is rah se jab guzra dariya to bahut roya