وہ تیری یاد کے لمحے ترے خیال کے دن

وہ تیری یاد کے لمحے ترے خیال کے دن

علاج درد کے زخموں کے اندمال کے دن

وہ اک رچی بسی تہذیب اپنے پرکھوں کی

وہ دو یا چار سہی تھے مگر مثال کے دن

مجھے تو یاد ہے اب تک وہ کیا زمانہ تھا

ترے جواب کا موسم مرے سوال کے دن

ہر ایک پل وہ کبھی روٹھنا کبھی مننا

ندامتوں کی وہ گھڑیاں وہ انفعال کے دن

میں کچھ بھی سن نہ سکی تھی وہ خوف تھا شبنمؔ

اسے بھی ہوش بھلا کب تھا عرض حال کے دن

wo teri yad ke lamhe tire khayal ke din

ilaj-e-dard ke zakhmon ke indimal ke din

wo ik rachi basi tahzib apne purkhon ki

wo do ya char sahi the magar misal ke din

mujhe to yad hai ab tak wo kya zamana tha

tire jawab ka mausam mire sawal ke din

har ek pal wo kabhi ruthna kabhi manna

nadamaton ki wo ghariyan wo infial ke din

main kuchh bhi sun na saki thi wo khauf tha shabnam

use bhi hosh bhala kab tha arz-e-hal ke din