ابر چھایا تھا فضاؤں میں تری باتوں کا

ابر چھایا تھا فضاؤں میں تری باتوں کا

کتنا دل کش تھا وہ منظر بھری برساتوں کا

بجھتی شمعوں کے تعفن سے بچانے تجھ کو

میں نے آنچل میں سمیٹا ہے دھواں راتوں کا

کوئی شہنائی سے کہہ دو ذرا خاموش رہے

شور اچھا نہیں لگتا مجھے باراتوں کا

لاکھ دروازے ہوں چپ اور دریچے خاموش

چوڑیاں راز اگلتی ہیں ملاقاتوں کا

دھوپ بھی تیز ہے شبنمؔ کا بھروسا بھی نہیں

وقت بھی باقی نہیں اب تو مناجاتوں کا

abr chhaya tha fazaon mein tiri baton ka

kitna dil kash tha wo manzar bhari barsaton ka

bujhti shamon ke taaffun se bachane tujh ko

main ne anchal mein sameta hai dhuan raton ka

koi shahnai se kah do zara khamosh rahe

shor achchha nahin lagta mujhe baraton ka

lakh darwaze hun chup aur dariche khamosh

chauriyan raz ugalti hain mulaqaton ka

dhup bhi tez hai shabnam ka bharosa bhi nahin

waqt bhi baqi nahin ab to munajaton ka