نارسائی کا چلو جشن منائیں ہم لوگ

نارسائی کا چلو جشن منائیں ہم لوگ

شاید اس طرح سے کچھ کھوئیں تو پائیں ہم لوگ

ریت ہی ریت اگر اپنا مقدر ٹھہرا

کیونکہ پھر ایک گھروندا ہی بنائیں ہم لوگ

جسم کی قید کوئی قید نہیں ہوتی ہے

آؤ سب جھوٹی حدیں توڑ کے جائیں ہم لوگ

اس بدلتے ہوئے موسم کا بھروسا بھی نہیں

گیلی مٹی پہ کوئی نقش سجائیں ہم لوگ

روک پائیں گے نہ لمحات کے موسم ہم کو

ایک دیوار زمانہ تو ہوائیں ہم لوگ

اپنے جذبات کے پاکیزہ تحفظ کے لئے

کبھی ملبوس کبھی گرم ردائیں ہم لوگ

کوئی سورج نہ کسی رات کے دامن میں گرا

مانگتے ہی رہے صدیوں سے دعائیں ہم لوگ

چاند اترا نہیں اب تک بھی زمیں پر شبنمؔ

ایک مدت ہوئی دیتے ہیں صدائیں ہم لوگ

narasai ka chalo jashn manaen ham log

shayad is tarah se kuchh khoen to paen ham log

ret hi ret agar apna muqaddar thahra

kyunke phir ek gharaunda hi banaen ham log

jism ki qaid koi qaid nahin hoti hai

ao sab jhuti haden tor ke jaen ham log

is badalte hue mausam ka bharosa bhi nahin

gili mitti pe koi naqsh sajaen ham log

rok paenge na lamhat ke mausam ham ko

ek diwar zamana to hawaen ham log

apne jazbat ke pakiza tahaffuz ke liye

kabhi malbus kabhi garm ridaen ham log

koi suraj na kisi rat ke daman mein gira

mangte hi rahe sadiyon se duaen ham log

chand utra nahin ab tak bhi zamin par shabnam

ek muddat hui dete hain sadaen ham log