جان دی جس کے لیے اس کو خبر کوئی نہیں

جان دی جس کے لیے اس کو خبر کوئی نہیں

اب کھلا مجھ پر کہ مر مٹنا ہنر کوئی نہیں

آ ہی پہنچی اک دریچے سے شعاع آفتاب

میں یہ سمجھا تھا شب غم کی سحر کوئی نہیں

آج کس کی جان سے کھیلو گے اے چارہ گرو

آج پہلو میں مرے زخم جگر کوئی نہیں

زاویہ ہائے نظر میں آہ اتنا اختلاف

گو تری تحریر میں زیر و زبر کوئی نہیں

سنگ ریزوں سے ہوا جاتا ہے دامن تار تار

جامۂ تحریر میں میرے گہر کوئی نہیں

بج اٹھی صابرؔ ہوا کے زور سے زنجیر در

میں یہ سمجھا تھا کوئی آیا مگر کوئی نہیں

jan di jis ke liye us ko khabar koi nahin

ab khula mujh par ke mar mitna hunar koi nahin

a hi pahunchi ik dariche se shua-e-aftab

main ye samjha tha shab-e-gham ki sahar koi nahin

aj kis ki jan se kheloge ai chara giro

aj pahlu mein mire zakhm-e-jigar koi nahin

zawiya ha-e-nazar mein ah itna ikhtilaf

go tiri tahrir mein zer-o-zabar koi nahin

sang rezon se hua jata hai daman tar tar

jama-e-tahrir mein mere guhar koi nahin

baj uthi sabir hawa ke zor se zanjir-e-dar

main ye samjha tha koi aya magar koi nahin