دیا فریب تمنا کو ہر گھڑی میں نے

دیا فریب تمنا کو ہر گھڑی میں نے

مراد من کی نہ پائی مگر کبھی میں نے

امید و بیم سے دل کو نجات مل نہ سکی

گزار دی ہے تذبذب میں زندگی میں نے

خرد کا راگ مرے غم سے داد پا نہ سکا

جنوں کو سونپ دیا ساز آگہی میں نے

بلا کے مجھ کو سر بزم بے حجاب کیا

ترے کرم کی حقیقت بھی دیکھ لی میں نے

وصال و ہجر کے جھگڑوں سے بے نیاز ہوں میں

اسی میں دیکھی ہے لے دے کے بہتری میں نے

ترے جنوں کے تعلق میں کیا کہوں صابرؔ

تجھے قریب سے دیکھا نہیں ابھی میں نے

diya fareb-e-tamanna ko har ghari main ne

murad man ki na pai magar kabhi main ne

ummid-o-bim se dil ko najat mil na saki

guzar di hai tazabzub mein zindagi main ne

khirad ka rag mire gham se dad pa na saka

junun ko saunp diya saz agahi main ne

bala ke mujh ko sar-e-bazm-e-be hijab kiya

tire karam ki haqiqat bhi dekh li main ne

wisal-o-hijr ke jhagron se be niyaz hun main

isi mein dekhi hai le de ke behtari main ne

tire junun ke taalluq mein kya kahun sabir

tujhe qarib se dekha nahin abhi main ne