یہ کیوں سوچیں کہ وہ داد وفا دیتے تو کیا ہوتا

یہ کیوں سوچیں کہ وہ داد وفا دیتے تو کیا ہوتا

جو رونے پر بھی پابندی لگا دیتے تو کیا ہوتا

لگا رکھی ہے دل میں آگ ان کی بے نیازی نے

نہ جانے جو وہ دامن سے ہوا دیتے تو کیا ہوتا

تڑپنے کی اجازت ہے یہ ان کی مہربانی ہے

وہ ہنس کر ٹال جاتے ہیں سزا دیتے تو کیا ہوتا

فقط کچھ داغ سینے میں چھپا لائے ہیں دیوانے

یہ پونجی بھی جو راہوں میں لٹا دیتے تو کیا ہوتا

بڑے کایاں ہیں جن کا نام ہم نے شیخ رکھا ہے

یہ گالی وہ بھی ہم کو برملا دیتے تو کیا ہوتا

بہت اچھا ہوا محفل سے اٹھ کے چل دئے صابرؔ

بھرے بیٹھے تھے کوئی گل کھلا دیتے تو کیا ہوتا

ye kyun sochen ke wo dad-e-wafa dete to kya hota

jo rone par bhi pabandi laga dete to kya hota

laga rakhi hai dil mein ag un ki be niyazi ne

na jane jo wo daman se hua dete to kya hota

tarapne ki ijazat hai ye un ki mehrbani hai

wo hans kar tal jate hain saza dete to kya hota

faqat kuchh dagh sine mein chhupa lae hain diwane

ye punji bhi jo rahon mein luta dete to kya hota

bare kaiyan hain jin ka nam ham ne shaikh rakha hai

ye gali wo bhi ham ko barmala dete to kya hota

bahut achchha hua mahfil se uth ke chal diye sabir

bhare baithe the koi gul khula dete to kya hota